দৌর কর্ম এতা চলেছে দ্বিপান্দি পেয়া চলতই

হাদি এগতে মহালয়াত্ত অকরিয়া দৌর কর্ম এতা চলেছে। মহালয়াত্ত সিদ্দা দেনা, তর্পন দেনা, পিতৃলোকর ভাত দেনা, দুর্গা পূজা, লক্ষী পূজা, গোবর্দ্ধন পূজা, সাধু বাবার উৎসব, হরিউত্থান, কাত্তির্ক মাহার নিয়মর পালী, পূর্ণিমার রাস রাখোয়াল, দ্বিপান্দি — এতা দৌর কর্ম থাইল।কর্ম এতা আমার সমাজর মানুর রকতে তিলয়া আছে কর্ম। এতা সমাজর কর্ম। আমার কৃষ্টি সংস্কৃতি রুহিবৃত্তির ভিতররতা ! এতাই আমার পরিচয় এতাই আমার কৃষ্টি সংস্কৃতি। এতাই কলকরিয়া থছে বিষ্ণুপ্রিয়া মণিপুরী সমাজ এহানরে। এতাত্ত লেইলেক অছি উতা জাতেত্ত বিচ্ছিন্ন অছি, সমাজেত্ত বিচ্ছিন্ন অছি।