উত্তর ত্রিপুরার কদমতলাত দ্বি সম্প্রদায়র গন্ডগোলর পিছেদে গেলগা সোমবারে পেকুছড়াত মহাদেব মন্দির আগো ক্ষতি করানির ঘটনালো নুয়া করে এলাকাগত অশান্তি বাড়িল। ইন্টারনেট বারো বন্ধ করেদেনা অইল। উত্তর ত্রিপুরাত ১৬৩ ধারা জারী করানি অছে। যেতাউ অক প্রশাসনর ঠৌরাঙে পরিস্থিতি স্বাভাবিক বুলিয়া মাতানি য়াকরের।
হৌগদে আসামে করিমগঞ্জ জিলাত নুয়াগঙ পেয়া ১৬৩ ধারা জারী করানি অছে।
কদমতলা বারো পেকুছড়ার ঘটনা ঘটানিয়ে উত্তর ত্রিপুরার পুলিশ সুপার ভানুপদ চক্রবতীর্রে পদেত্ত ছেচাইলা তার জাগাত আহিল এসপি অবিনাশ রাই।এলাকাগর পরিস্থিতি সামাল দেনাত লামেছেগো আই জি পি — অনুরাগ ধ্যানকর।
