দেশর শত্রু নিয়াম

দেশহানর শত্রু এতা অন্থক করে নিয়াম অছি। ভারত এহানরে কিসাদে ধ্বংস করানি এহানাত থাইলা আকতা। তানু জরম লছিতা ইমে ভারত এহানরে ধ্বংস করানিরকাই জরম লছিতা বুলিয়া নিঙে অর। কিন্তু ভারতর হোবা মানু আকতা থানাই মুর তুলে নুয়ারিয়া আছিতা এবাকা পেয়া।
ভারতর বাসিন্দা অয়া ভারতর ক্ষতি করানিরকা ভারতেত্ত ১৩ হাজারর চুয়া ভারতে নিষিদ্ধ সংগঠন আহানর মানু বিদেশে আশ্রয় লয়া আছিগাতা ভারতে কিসাদে করে সন্ত্রাস চালানির ট্রেনিঙ দেনাত। তথ্য এহান ভারতর ই ডি’র তথ্যহান। পি এফ আই বুলিয়া সংগঠন আহান আছিলা, যেহানর উদ্দেশ্য ভারতর ভিতরে অশান্তি ছিতারানি, তাংখা আহেরতাউ বিদেশেত্ত। ঔ সংগঠন উহান মুসলিমর কট্টরপন্থী সংগঠন আহান নাঙ পি এফ আই। যেহানরে ভারতে দেশ দ্রোহিতার কারনে নিষিদ্ধ ঘোষণা করেছিহান। উহানৌ ২০২২ সালে হুদ্দা ৫ বছরকারকা নিষিদ্ধ ঘোষনা করেছিহান। ভারতর আইন নাই অরতে ! ভারতে পাকিস্তানী উগ্রপন্থী আগরে শাস্তি দিতে বিচার করকে করতে সময় লাগেরতা প্রায় যুগ আহান। অথার্ৎ ১২ বছরে যুগ আহান ধরিয়া।
এবাকা ভারতে রাজনীতিতৌ অন্থকপা আহান চলেছে — ডাকাতী আগরে পুলিশে এনকাউন্টার করলে কোন কোন রাজনৈতিক নেতাই জাত বিছারতারা। কিয়া ঔ জাতর উগরে এনকাউন্টার করানি অইল। ঔ জাতরগো উগরে পুলিশে মনেয়া এনকাউন্টার করেছিতা। এসাদেউ প্রশ্ন করানি অকরলা। কিন্তু হিন্দু আগো মরলে দুঃখ প্রকাশ করেকুরা আগো নেই বিজেপি বিরোধী সংগঠনর মানু এতাত। বিছারেয়া পানা চিল।ডাকাতিগো ধরিয়া নিতেগা পুলিশর পিস্তলগো কারোলয়া পুলিশরে গুল্লি করলে বা দাপদিয়া যারগা উগরে ধরানিরকা জাঙহানাত গুল্লি করলে পুলিশ দোষী ? পুলিশে কিতা ঔ আসামী উতারে ফুলর মালা পিদাদিয়া নিতাগা। পুলিশ নিজে মরতা ডাকাতির আতে ? রাজনীতিতৌ জবর নোংরামী চলে আহের।
এসাদে মানসিকতার মানু নেতা মন্ত্রী অইলে দেশ হানর অবস্থা কিহান অইতই ? ভারতে কি হিন্দু থা পারতাই ? দাঙ্গা না লাগতই ? ভারতহান কি টুকারা টুকারা নাইতই ? ভারতে কি রকতর ছড়া না দাপদিতই ? ভারতর বেশীরভাগ মানু শান্তি চেইতারা। কিন্তু কোন কোন নেতাই রাজনৈতিক লাভরকা উস্কাইতারা। এসাদেতে থক নেই। উহানে হাবিয়েউ সাবধান অয়া চলিক।