কাকেই ঃ- ২ জুলাই বিষ্ণুপ্রিয়া মণিপুরী ভাষা দিবস। ১৯৩২ সালে বিরাটসভা হঙছিল ভাষা রক্ষার সালে (এবাকা মহাসভা)। ঔ ২ জুলাই উহানরে ধরিয়া নিখিল বিষ্ণুপ্রিয়া মণিপুরী মহাসভার পক্ষত্ত ২ জুলাই দিন উহানরে ভাষা দিবস বুলিয়া পালন করানি অর।
আসাম ঃ
আসামে হাবি জাগাত অনষ্ঠানর মাধ্যমে ২ জুলাই ভাষা দিবস পালন করানি অছে বুলিয়া মহাসভার কেন্দ্রীয় কমিটির কার্যকরী সভাপতি ড০ প্রভাত সিংহ গিরকে বাগেইলো। বিষ্ণুপ্রিয়া মণিপুরী ভাষা দিবস উপলক্ষে বিভন্ন দাবী দাবালো সরকাররাং ডেপুটেশনৌ দেনা অছে।
ত্রিপুরা ঃ
ত্রিপুরাতৌ ২ জুলাই বিষ্ণুপ্রিয়া মণিপুরী ভাষা দিবস পালন উপলক্ষে ত্রিপুরার কতহান জাগাত ডেপুটেশন দেনা অছে বুলিয়া হারপানি অইল। তবে ভাষা দিবস উপলক্ষে ত্রিপুরাত কোন অনুষ্ঠান কিতা করানি নাছে। সরকাররাং ডেপুটেশন দেনা অছেতা- আগরতলা, কমলপুর, কৈলাশহর, কুমারঘাট, দামছড়া এতাত ডেপুটেশন দেনা অছে। বাকী বিশালগড় বারো ধর্মনগরে ডেপুটেশন দেনা নাছে।
বিশালগড় বারো ধর্মনগরর কথাহান অইলতাই ২ জুলাই ডেপুটেশন দেনার সিদ্ধান্ত উহান সময়মতো হারনাপানিয়ে ডেপুটেশন দিয়া নুয়ারেছি বুলিয়া বাগেইলা।
২ জুলাই বিষ্ণ‚প্রিয়া মণিপুরী বাষা দিবস এহানরে ত্রিপুরাত নিয়াম গুরুত্ব নাপাছে। কিন্তু আসামে গুরুত্ব দিয়া দিন এহানরে পালন করতারা।
ত্রিপুরাত মহাসভার দাবী সনদ-
ত্রিপুরাত ৯ দফা দাবীলো ডেপুটেশন দেনা অইল। ঔ ৯ দফা দাবী সনদ উহান এসাদে –
১) ত্রিপুরাত বিষ্ণুপ্রিয়া মণিপুরী ডেভেলাপমেন্ট কাউন্সিল লিংখাত করানি।
২) বিষ্ণুপ্রিয়া মণিপুরী ভাষা শিক্ষক নিয়োগ করানি।
৩) ত্রিপুরার হাবি জিলাত প্রাচীন বৈদিক সনাতন সংস্কৃতি সংরক্ষণ বারো প্রচাররকা জন্য বিষ্ণুপ্রিয়া মণিপুরী কলা কেন্দ্র প্রতিষ্ঠা করানি।
৪) সাংস্কৃতিক শিল্পী বারো সাহিত্যিকরে পেনশন ভাতা দেনা।
৫) আইনর ১৯৬০ ধারার ঞখজ বারো খজ সংশোধন করিয়া বিষ্ণুপ্রিয়া মণিপুরীরকা বি দেনা বারো বিষ্ণুপ্রিয়া মণিপুরীর বি সুরক্ষারকা বিশেষ ব্যবস্থা করেদেনা।
৬) পঞ্চায়েত বারো বিধানসভাত আসন সংরক্ষন করানি।
৭) রেডিও টিভিত বিষ্ণ‚প্রিয়া মণিপুরী সাংস্কৃতিক অনুষ্ঠান প্রচার করানি।
৮) ভারত সরকারর আদম সুমারীত ‘বিষ্ণুপ্রিয়া মণিপুরী’ নাঙহানাত ভুল অছে উহান শুদ্ধ করানি।
৯) স্কুলর ট উওঝও তথ্যত বিষ্ণুপ্রিয়া মণিপুরীর ভাষার নাঙ নেই উহান শুদ্ধ করানি।