ঠৌরাঙ হিন্দু শূন্য বাংলাদেশ

বাংলাদেশে হিন্দু শূন্য বাংলাদেশ গঠন করানির ঠৌরাঙ আহান ইউনুস বারো জামাত-এ ইসলাম’ এতাই গভীর চক্রান্ত আহানাত উবা অছিগা বুলিয়া মাতানি য়াকরের। বাংলাদেশে ‘আওয়ামী লীগ’ পর্টিরে বেন করেইলা। আওয়ামী লীগ ছাড়া বাকী সংগঠন হাবি একজোট অয়া উবা অছি বুল্লে লাল নাইবো। আওয়ামী লীগ বেন মানেই হিন্দু শূন্য বাংলাদেশ গঠনর লমইলগা কাকেইহান বুলিয়া ধরানি য়াকরের।
এবাকা চীন-বাংলাদেশ-পাকিস্তান লাইন আহানাত চলেছি। লাইন আহান বুলতে রেখা আহানাত উবা অছি। ঔ লাইন উগো ভারত বিরোধী লাইনগো। ভারত বিরোধী মানেই হিন্দু বিরোধী লাইনগো। বাংলাদেশে হিন্দু শূন্য করানির ডঙর চক্রান্ত আহান চলেছে। কতদিন আগে ঢাকাত দুর্গা মন্দির আগো ডোজার চালেয়া বাকলা। আগদে হিন্দুর গজে হাদি হাদিত অত্যাচার চালেইতারা বুলিয়াউ হুনিয়ার।
৫ আগষ্টর পিছ এহানাত বাংলাদেশ মুসলিম কান্ট্রিহান অলছে। হাসিনারে খেদিয়া জামাত-এ-ইসলামী সংগঠন উহান মুর তুলেছি। সংগঠন উহান হিন্দু বিদ্বেষী সংগঠনহান। বি এন পি খানি বালা কিন্তু জামাতে উহান কট্টর হিন্দু বিরোধী সংগঠনহান। উহানেতে বাংলাদেশে হিন্দু এতা কিসাদে থাইতাই উহান মাতানি চিলছে।
হয়তো ্এসাদে থাইতাই – নিঙল বা বেয়াপাই বোরখা পিদিয়া থাইতাই। এবাকাউ মণিপুরী নিঙল কিতাউ মুসলিম ছাত্রীর সাদে কালা উড়নাহানলো মুরগো নাকগো পেয়া গুড়িয়া স্কুলে যিতারাগা। কতদিন পিছেদে হয়তো আমার বেয়াপাইর চাকচাবী পিদিয়া বারাদে গিয়া নুয়ারতাইগা। হয়তো কতদিন পিছেদে মুনিরে বাধ্য করতাই মসজিদে যানারকা।
এবাকা বাংলাদেশে হিন্দুর চাকুরী বন্ধ অইল বুলিয়া মাতানি য়াকরের। চাকুরীত আছিলা বহু হিন্দুরে নানান অজুহাত দেহেয়া বাধ্য করলা চাকুরী এরাইতে। উচ্চ শিক্ষাতৌ শৌ ভর্তি করানি নুয়ারতারা বুলিয়া হারপানি অইল। যেতার ক্ষমতা আছে উতারে বিদেশে লেরিক তামকরাত দিয়াপেঠেইতারা। হাবিগরতাতে উসাদে সম্ভব নাগয়নাই।
এসাদে অবস্থাত বাংলাদেশর হিন্দু কিসাদে থাইতাউ উহান ডাঙর চিন্তার বিষয় আহান অয়া উবা অছে।
এমনেউ নীরীহ জাতহান। ঝামেলা নামনেয়ার জাতহান।
সময় আহান ওয়ার বাগনে বার্মাত হমেইলাগা উতা মিমুত অইলা, কোন খবর নেই। বার্মিজ অলইলাগা। এখুরুমতে ……..