India's most circulated Bishnupriya Manipuri Newspaper.
India's most circulated Bishnupriya Manipuri Newspaper.
উত্তর ত্রিপুরার কদমতলাত দ্বি সম্প্রদায়র গন্ডগোলর পিছেদে গেলগা সোমবারে পেকুছড়াত মহাদেব মন্দির আগো ক্ষতি করানির ঘটনালো নুয়া করে এলাকাগত অশান্তি বাড়িল। ইন্টারনেট বারো বন্ধ করেদেনা অইল। উত্তর ত্রিপুরাত ১৬৩ ধারা জারী করানি অছে। যেতাউ অক প্রশাসনর ঠৌরাঙে পরিস্থিতি স্বাভাবিক বুলিয়া মাতানি য়াকরের।হৌগদে আসামে করিমগঞ্জ জিলাত নুয়াগঙ পেয়া ১৬৩ ধারা জারী করানি অছে।কদমতলা বারো পেকুছড়ার ঘটনা […]
ভারতে অশান্তি করানিরকা ১৩০০০ PFI সদস্য বিদেশে এক্টিভ অছিগা বুলিয়া ইডির মত বাগাছি বুলিয়া হারপানি অইল। PFI অইলাতাই মুসলিমর সংগঠন আহান — নাঙ “পপুলার ফ্রন্ট অফ ইন্ডিয়া”। সাম্প্রদাসিকতার কারনে ২০২২ অর ২৮ সেপ্টেম্বরে ভারতর মিনিষ্ট্রি অফ হোম এফেয়ার্সর পক্ষত্ত ৫ বছরকারকা ভারতে নিষিদ্ধ ঘোষনা করানি অছিল।পি এফ আই সংগঠন উহান ২০০৬ এ গঠন করানি অছিল। […]
গেলগা ৩১ আগষ্ট কাকেই পত্রিকা অফিসে কুষ্ণমনি সিংহ গিরকর ঠৌরাঙে উত্তর ত্রিপুরার হাবি গাঙ তিল করিয়া ধর্মনগরে ভুবনেশ্বরে সাধুবাবার স্থায়ী কমিটি আহান হঙকরানি অইল। সভাপতির আসনহান ঙালকরেছিল হরিদাস সিংহ গিরকে। ঔ কমিটি উহানর গজে সাধুবাবার উৎসবর ভারহান থাইতই। বারো উতার লগে সমাজর উন্নতির বিষয়েও কাম করানির হত্মা করতাই। ভবিষ্যতে এ কমিটি উচ্চ শিক্ষাত বছরে উপযুক্ত […]
এমারি উত্র ত্রিপুরার ধর্মনগরে ভুবনেশ্বর সাধুবাবার আবির্ভাব তিথি মহোৎসব শনিছড়ার স্বগীর্য় জয় কুমার এইগা গিরকর শ্রীমন্ডপে করানি বুলিয়া লেপকরানি অছে।ভুবনেশ্বর সাধুবারার আবির্ভাব তিথি এমারি ৩ নভেম্বরে পরেছে। ঔ মতে গোবর্দ্ধন পূজা ২ নভেম্বরে, তিথি মতে উদিন রাতি সাধুবাবার উৎসবর অধিবাস।এমারিকার ধর্মনগরর (শনিছড়া) উৎসবর পরিচালনা কমিটি হান— সভাপতিগো কমলাকান্ত সিংহ, সম্পাদক— কল্যান সিংহ, কেশিয়ার গো মনিহার […]
হুনার নাঙ আহান রুবি সিংহ, বাবা বীরেন্দ্র সিংহ, ইমা অইলীতাই “রাধা”, ঘর দামছড়াত (উত্তর ত্রিপুরা।)রুবি সিংহ হুদ্দা বিষ্ণুপ্রিয়া মণিপুরী সমাজে গর্ব নাগয় আস্তা ত্রিপুরার গর্ব রুবি সিংহ। তেই ত্রিপুরা ইউনিভার্সিটিত্ত মিউজিক (ঠড়পধষ)এ মাষ্টার ডিগ্রীত ফাস্ট ক্লাশ ফাস্ট অয়া পাশ করিয়া হুনার মেডেল পেইলো।গেলগা ৮ সেপ্টেম্বরর দিনে ত্রিপুরা ইনিভার্সিটির ১৩তম সমাবর্তন অনুষ্ঠানে ত্রিপুরার ডাঙরিয়া গভর্নর ইন্দ্রসেনা […]
‘ঐক্যই শক্তি’ কথা এহান সমাজর গিরিগিথানী হাব্বিয়েউ হারপাছিহান। একতা নেয়ইলে দুর্বল অইতারা এহানৌ হাব্বিয়ে হারপাছিহান। ঐক্য উহানেই গনতন্ত্রর মূল ছিয়াগো। কিন্তু ঔ ‘ঐক্য’ বুলতারা শব্দ উগো আমার সমাজ এহানর ভিতরে নেই, নেই বুলতে সুপৌ নেই। দলাদলির নিয়াম এহানে কোন আগদে আগুয়ানির কোন ক্ষমতা নেই। একতা উহান থাইলেতে খানি রাজনৈতিক ক্ষমতা খানিয়ৌ পানা য়াকরলো অইস। রাজনৈতিক […]
অন্থকপা পৌ আহান হুনিয়া জবর দুঃখ লাগিল বারো আল্লি হানৌ লাগিল।৬২ বছরর বেয়াপা আগোরে জরম পুতক দুগই রাতি গাছ আক ঝাড়িত বাধিয়া জ্বি লাগেয়া মারেছিতা উনি। কতি পশুগী অছিতা। কিসাদে ঠৈগীলো নিজর মালকরে মারে পারলাতা ?ঘটনাহান পশ্চিম ত্রিপুরার চম্পক নগরর লয়ার খামারবাড়ি গাঙে। হুদ্দা দেড় বছর আগে হেয়কৌ মরেছেগো উনি।পুতক আগোতে আগরতলাত থার উনি। মালকর […]
জিপুতে বাঘগরাংতো নিজর বাপকরে জিংতা করলা, মানুয়ে জিপুত উতারে শলকরতারা, মাত্তারা “বেটা হোতো এইসা”Ñ বাহাদুর জিপুত।ঘটনাহান উত্তর প্রদেশর বিজনৌরে। দিন আহান ঘর আগর পিঠির হেইনৌ ঝাড়ে বাঘ আগো কায়া বয়া আছে, কোনগয়ৌ নাদেহেছি। রাতিহান নাগয় দিনহান। ঘর উগর বুজন উগই ঘরগর পিঠিত হেইনৌ ঝাড়র তলে পুতক দুগো বারো নিঙল মৌ উগিরেলো টিউবওয়েল হানাত জাঙ আত […]
ভারতে ট্রেইন একসিডেন্ট করানির হত্মা করতারা। ড্রাইবারর বুদ্ধিয়ে সতর্কতাই ঘটনাত্ত রক্ষা করতারা।কোন কোন দিন রেল লাইনর গজে ডাঙর হিল থছিলা, কোনপেই পাক্কার ডাঙর চাক্কা, কোনপেইত গ্যাসর সিলিন্ডার লগে পেট্রোল, জিয়াশল লগে। বারো গুজরাটে এরে হাদি এহান দুগই ডাঙর লোয়ার পাত আহান রেল লাইনগর গজে থদেছি। ট্রেইনহান আয়া বারিহান খাছে ইঞ্জিনগর পাইপ আগো ফাটেছে বুল্লা। লগে […]
কাকেই ঃ চন্দ্রযান—৩ নিঙশিঙ অ—থাইবাং। “ইসরো”ই গেলগা বছর জোনাকর দক্ষিন কাদা উগদে দিয়াপেঠাছিলাগো। ভারতর চন্দ্রযান—৩ জোনাকর যে জাগাহানাত গেছেগা— এর আগে বা আজি পেয়াউ কোন দেশ ফও নুয়ারেছি।চন্দ্রযান—৩ ১৪ জুলাই ২০২৩ এ এরেদেছিলা। জোনাকে লামিয়া আটানি অকরেছিল। ২২ আগষ্ট ২০২৪ পেয়া যোগাযোগ আছিল। লমইতেগা জোনাকে ১৬০ কিলোমিটার ডাঙর গাত আগত পরেছেগা। পিছেদে জোনাকে রাতিহান অছে […]
