মণিপুরে মেইতেই কুকির দাঙ্গা এহান খামনির নাঙ নালর, তবে খানি আহান গন্ডগোল আলবারী দেছে বুলিয়া মাতানি য়াকরের।গেলগা ৩ মেত্ত গন্ডগোলর অকরাগো। গন্ডগোল সামাল দিতে কারফিউ লাগাছিলা কত্তগো লয়াত, উতার মাঝে এবাকা ৫গো জিলাত কার্ফিউ তুলে দিলা।
মণিপুরর এ ঘটনাত ৯৮গর সাদে মরলা বারো জখম অছিলাতা ৩১০গর সাদে মানু। গেলগা কালি পেয়া এ তথ্য এহান।
মুখ্যমন্ত্রী এন বীরেন সিং-অর অফিসেত্ত যে তথ্য দেনা অছে উতাত মাতেছিতা আশ্রয় ক্যাম্প ২৭২ গো করানি অছে ঔ ক্যাম্প উতাত ৩৭ হাজার ৪৫০ গো মানুরে থনা অছে এহান সরকারী তথ্য হান। তবে মিজোরামে আকতা লালইলা আসামেদে আকতা হমেইলা উতার সঠিক খবর মাতে নারিয়ার।
ভারতর স্বরাষ্ট্রমন্ত্রী অমিত শাহ গিরক শান্তিরকা হাবিরাং হেইচা জানাছিল বারো অবৈধ্য অস্ত্র উতা সরকাররাং জমা দেনারকা। কিন্তু হাবি অস্ত্র জমা নাপরের অস্ত্র জমা দেনা বহুগই নামনেইতারা উনি। অস্ত্র জমা নাকরলে কড়া ব্যবস্থা লনা অইতই বুলিয়া সরকারী সিদ্ধান্ত। যদি জমা নাদতারা উহান অইলে সিবেই ঘরে ঘরে গিয়া অস্ত্র বিছারতাইগা বুলিয়া সরকারী সিদ্ধান্ত।
উতার হাদিত কেন্দ্রীয় সরকার যেতার ঘরবাড়ী জ্বি লাগেছে তানুর সাহায্যরকা ১০ কোটি ৭৫ লক্ষ রূপা মণিপুর সরকাররে দেনার ঘোষণা করেছি বুলিয়া হারপানি অইল।