কাকেই – শ্রীকৃষ্ণচৈতন্য ভাগবৎ সঙ্গর দ্বিদিনকার সন্মেলন প্রতাপগড়র গোকিলাত, ৭ বারো ৮ জুলাই এ দ্বিয়দিন সন্মেলনর ঠৌরাঙ করানি অছে।
শ্রীকৃষ্ণচৈতন্য ভাগবৎ সঙ্গর মূল সংগঠক ড০ মানস সিংহ গিরকর তেৎনেই হতœাত এ ধর্মীয় সংগঠন এহান উবা অছেহান।
প্রতাপগড়র গোকিলা ফামহান উপযুক্ত ফামহান। আসাম ত্রিপুরার হাদিগত গোকিলা, আনা যানর কোন অসুবিধা নেই। উহানেতে মাতানি য়াকরের ড০ মানস সিংহ গিরকে সন্মেলনর জাগাহান লেপকরেছে উহান জবর চিন্তা করিয়া করেছে।
এ শ্রীকৃষ্ণ চৈতন্য ভাগবৎ সঙ্গর আন্তিজার্তিক সন্মেলন এহানাত অন্য রাষ্ট্রত্ত কতিগো গিরিগিথানী আহতাই উহান পরিস্কার করে মাতে নুয়ারলাং। বাংলাদেশর গিরিগিথানীয়ৌ ভিসা নাপেয়া আছি, কতিগো গিরিগিথানী আহিতারা সময়ে হারানি। তবে আসামর গিরিগিথানী নিয়াম উপস্থিত থাইতই বুলিয়া মাতানি য়াকরের। মানসর ‘মানস’ সফল।